Գերմանիայի նախագահ Շտայնմայերին Կիևում իրիս են նվիրել՝ հատուկ ակնարկով

Գերմանիայի նախագահ Ֆրանկ-Վալտեր Շտայնմայերին, ով այցով ժամանել էր Կիև, նվիրել են իրիսների (հիրիկ) փունջ՝ ակնարկելով, որ Կիևը շարունակում է IRIS-T հակաօդային պաշտպանության համակարգեր պահանջել Բեռլինից: Այս մասին Politics of the country-ն գրում է իր Telegram ալիքում։

Հրատարակությունը նշում է, որ «լուսանկարում իրիսների գունային կոնցենտրացիան պատահական չէ»։

«Մենք ընդհանուր սեր ունենք հիրիկի հանդեպ, ի՞նչ կարող ես անել», - մեջբերում է հրատարակությունը Ուկրաինայի երկաթուղու մամուլի ծառայությանը, որի գնացքով Շտայնմայերը ժամանել է Կիև։

Գերմանիան Ուկրաինային խոստացել է չորս IRIS-T SLM համալիր։ Առաջինը Կիևին է հանձնվել հոկտեմբերի կեսերին, իսկ մնացած երեքը, ըստ ՊՆ ղեկավար Քրիստինա Լամբրեխտի, Ուկրաինային կհասցվեն միայն 2023 թվականին։

Ավելի վաղ հաղորդվել էր, որ Ֆրանկ-Վալտեր Շտայնմայերն առաջին անգամ է ժամանել Ուկրաինա՝ Ռուսաստանի Դաշնության հատուկ ռազմական գործողության սկզբից ի վեր։ Նշվել է, որ Գերմանիայի ղեկավարը Կիև է ժամանել գնացքով։