«Եղբայրական» Ադրբեջանն ու Թուրքիան շահավետ բիզնես կապեր են կառուցում Ղարաբաղում. Eurasianet

Eurasianet լրատվական գործակալությունը գրում է, որ Թուրքիայի նախագահ Ռեջեփ Թայիփ Էրդողանին մոտ կանգնած ընկերությունները հարյուր միլիոնավոր դոլարների պայմանագրեր են ստացել Արցախի գրավյալ տարածքների «վերականգնման» համար։ 

Կովսականում գտնվող գյուղատնտեսական նոր խոշոր համալիրում Էրդողանի ընտանիքի անդամները բիզնես գործընկերներ են նախագահ Իլհամ Ալիևի ընտանիքի անդամների հետ:

Հոդվածի համաձայն՝ Էրդողանը և Ալիևը «Դոստ» (Բարեկամ) ագրոպարկի հիմքը դրել էին 2021 թվականի հոկտեմբերից, և նրանք կրկին ագրոպարկ են այցելել արդեն այս տարվա հոկտեմբերի 20-ին, երբ շրջայց էին կատարում Ացախի գրավյալ տարածքներում՝ Կովսականի նոր օդանավակայանի բացման շրջանակում։

 «Դոստ» ագրոպարկը 100 մլն դոլար արժողությամբ ծրագիր է, որտեղ վերջնարդյունքում աշխատելու է 500 մարդ և մինչև 10, 000 գլուխ խոշոր եղջերավոր անասուններ են բուծվելու։ 

Էրդողանին Արցախում ուղեկցում էր Աբդուլքադիր Քարագյոզը, որը Dost Ziraat-ի սեփականատերն՝ է Դոստ Ագրոպարկում թուրքական ներդրողը։ Քարագյոզը ո՛չ միայն բիզնես գործընկեր է, այլ ընտանիքի անդամ. նա ամուսնացած է Էրդողանի եղբոր՝ Մուսթաֆա Էրդողանի դստեր հետ։ 

 Հոկտեմբերի 20-ին Արցախի գրավյալ տարածքներ կատարած այցի ժամանակ երկու նախագահները հակիրճ պատասխանել են լրագրողների հարցերին.

Էրդողանը Քարագյոզին անվանել է «տեղի պատասխանատու անձ», իսկ հարցին, թե հետագայում ագրոպարկը հնարավոր է ընդլայնվի, Ալիևը պատասխանել է. «Դա կախված է պարոն Աբդուլքադիրից», իսկ ինքը՝ Քարագյոզը, ասել է, որ այն իհարկե կընդլայնվի և  կշարունակենք գործել նաև Լաչինում։

Ջրականում ունեցած ելույթում Էրդողանն ակնարկել էր այնտեղ ճանապարհի վատ վիճակի մասին. 

«Կարծում եմ, որ մեկ տարի հետո մենք Ջաբրայիլի ճանապարհը կտեսնենք բոլորովին այլ վիճակում, քանի որ լուրջ քայլեր են արվում նաև ենթակառուցվածքների հետ կապված։ Այստեղ քայլեր են արվել Cengiz և Kalyon ընկերությունների համատեղ աշխատանքի շնորհիվ»,- ասել էր նա։

Eurasianet-ի կողմից ուսումնասիրված Թուրքիայի Առևտրի ռեգիստրի տեղեկագրի պաշտոնական փաստաթղթերը ցույց են տալիս, որ հարսանիքից ընդամենը մեկ տարի անց Էրդողանի ընտանիքի ավելի շատ անդամներ (երկու զարմիկները) են դարձել Dost Ziraat-ի բաժնետերեր։ Մինչև 2020 թվականը, սակայն, գրանցամատյանում առկա այլ փաստաթղթերում նշվում է, որ երկու եղբոր որդիներն այլևս չեն ունեցել ընկերության բաժնետոմսեր, և որ Քարագյոզը միակ բաժնետերն է:

Թեև այս ձեռնարկություններն ընտանեկան կապեր չունեն Էրդողանի հետ, նրանք Թուրքիայի նախագահի հիմնական քաղաքական դաշնակիցներն են: 

Cengiz և Kalyon թուրքական ընկերությունները, որոնք հայտնի են դարձել որպես «Հինգի բանդա», սերտ կապեր ունեն Էրդողանի ու իշխող կուսակցության հետ և Էրդողանի կառավարման տարիներին շահել են պետական խոշոր մրցույթներ։