«Ժողովուրդ». Բալասանյանը փորձում է ազատվել «ժուչոկներից»

Գյումրու նորընտիր քաղաքապետ Սամվել Բալասանյանն այս օրերին սկսել է հիմնովին վերանորոգել իր նոր աշխատասենյակը: Ու սա այն դեպքում, երբ նախկին քաղաքապետ Վարդան Ղուկասյանը բավական ճոխ վերանորոգված աշխատասենյակ է ժառանգություն թողել Բալասանյանին: Ըստ «Ժողովուրդ»-ի տեղեկությունների՝ Բալասանյանն իրականում այսպես փորձում է ազատվել քաղաքապետի աշխատասենյակում նախկինում տեղադրված «ժուչոկներից»՝ գաղտնալսող սարքերից: Թեև նրա խոսնակ Զոհրապ Եգանյանը հակառակն է պնդում ըստ նրա'ուղղակի ճաշակի խնդիր է, ու Բալասանյանը պարզապես փոխում է ինտերիերը: Եգանյանի ասելով՝ վերանորոգման աշխատանքները կատարվում են Բալասանյանի անձնական միջոցների հաշվին: