Ռուսական միջուկային հարվածի վտանգն այժմ ամենաբարձրն է. ԱՄՆ հետախուզություն

ԱՄՆ Կենտրոնական հետախուզական վարչության տնօրեն Ուիլյամ Բըրնսը հոկտեմբերի սկզբին չհայտարարված այց է կատարել Ուկրաինա և հանդիպել նախագահ Վոլոդիմիր Զելենսկու և այլ պաշտոնյաների հետ։ Այս մասին գրում է CNN-ը՝ վկայակոչելով իրազեկ աղբյուրների։
Հրատարակության զրուցակիցներից մեկի խոսքով՝ ուղևորության ընթացքում ԿՀՎ տնօրենը հաստատել է, որ ԱՄՆ-ն մտադիր է շարունակել աջակցել Ուկրաինային ռուսական ագրեսիայի դեմ պայքարում՝ ներառյալ հետախուզական տվյալների մշտական ​​փոխանակումը։

CNN-ի աղբյուրները հրաժարվել են մանրամասնել Բըրնսի ուղևորությունը, և այդ մասին պաշտոնական տեղեկություն չկա:

CNN-ն ընդգծում է, որ ԿՀՎ-ի ղեկավարի այցն Ուկրաինա տեղի է ունեցել ԱՄՆ-ում աճող անհանգստության ֆոնին՝ կապված այն բանի հետ, որ Ռուսաստանը կարող է դիմել միջուկային զենքի կիրառմանը։ Ամերիկյան կողմը հրապարակայնորեն ասում է, որ ապացույցներ չի տեսնում, որ Ռուսաստանը պատրաստվում է նման քայլի, սակայն հետախուզության տվյալներին ծանոթ պաշտոնական աղբյուրները զգուշացնում են, որ ռուսական միջուկային հարվածի վտանգը, հավանաբար, ամենաբարձրն է փետրվարին ներխուժումից ի վեր:

Ուկրաինայում ռուսական միջուկային զենքի հնարավոր կիրառման վերաբերյալ մտահոգությունները մեծացան այն բանից հետո, երբ Մոսկվան սկսեց հրապարակայնորեն խոսել Կիևի կողմից «կեղտոտ ռումբի» օգտագործմամբ սադրանքի ենթադրյալ նախապատրաստման մասին։ Ուկրաինական կողմը հերքում է այս մեղադրանքները։