Թբիլիսիում իր բնակարանում մահացած են գտել պատգամավորին. Newsgeorgia

Վրաստանի խորհրդարանի` Փոթիից, Սենակիից և Խոբիից մեծամասնական կարգով ընտրված պատգամավոր Իրակլի Խախուբիային այսօր մահացած են գտել Թբիլիսիի իր սեփական բնակարանում։ Այս մասին հայտնում է Newsgeorgia-ն։

Ըստ ԶԼՄ-ների՝ 51-ամյա Իրակլի Խախուբիայի մահվան մասին հայտնել է նրա կինը։ Միջադեպի պատճառների մասին ընտանիքը դեռ չի խոսել։

 Խախուբիան Վրաստանի խորհրդարանի պատգամավոր էր իշխող «Վրացական երազանք» կուսակցությունից։

Պատգամավորի որդին՝ 21-ամյա Բեկա Խախուբիան, մահացել է 2017 թվականի մայիսի 17-ին՝ Գորիի թունելի մոտ տեղի ունեցած ավտովթարից։