Նիդեռլանդներում ակտիվիստները փորձել են փչացնել «Մարգարտե ականջօղով աղջիկը» կտավը (տեսանյութ)

Հաագայում երեք բնապահպան ակտիվիստներ են ձերբակալվել այն բանից հետո, երբ նրանք փորձել են վնասել Յան Վերմեերի «Մարգարտե ականջօղով աղջիկը» կտավը։

Միջադեպը տեղի է ունեցել Mauritshuis թանգարանում։ Նկարն ինքնին չի վնասվել։ «Նկարի վիճակը ստուգվել է մեր ռեստավրատորների կողմից, բարեբախտաբար, ապակու հետևի գլուխգործոցը չի տուժել»,- ասել է թանգարանի ներկայացուցիչը։ Նրա խոսքերը հոկտեմբերի 27-ին փոխանցել է NL Times-ը:

Բողոքի ակցիայի տեագրությունում երևում է, որ մի տղամարդ, իբր, կպցնում է իր գլուխը նկարին, իսկ մյուսը լոլիկի ապուր է լցնում նրա վրա: «Ի՞նչ եք զգում, երբ տեսնում եք, որ ինչ-որ գեղեցիկ և անգին բան քանդվում է ձեր աչքի առաջ», -ասում է ակտիվիստներից մեկը։

Ակցիայի մասնակիցները կրել են շապիկներ՝ «Just Stop Oil» մակագրությամբ։ Այս շարժումը դեմ է նավթի և գազի նոր հանքավայրերի զարգացմանը։