«Հայոց աշխարհ». Հիմնական ֆավորիտը լինելու է Հանրապետականը

««Մենք ամեն ինչ անելու ենք, որ քաղաքական մրցապայքարը մեր երկրում ծավալվի բոլորի համար հավասար պայմաններում և քաղաքական օրակարգի շրջանակներում: Մենք ապահովել ենք անհրաժեշտ օրենսդրական բազան, որը հնարավորություն է տալիս կազմակերպել ու անցկացնել բաց, թափանցիկ ու արդար ընտրություններ:

Եթե ոմանց պետք են ցնցումներ, ապա մեզ՝ ողջ հայությանը, անհրաժեշտ է հզոր, զարգացած, ազգային Հայաստան: Իսկ թե որ ուժը կկառուցի այս Հայաստանը, առաջիկա ընտրությունների միջոցով կորոշի մեր ժողովուրդը: Չեմ կասկածում, որ ժողովրդի հիմնական ֆավորիտը լինելու է Հանրապետական կուսակցությունը»,- հայտարարեց երեկ Էդուարդ Շարմազանովը»՝ հայտնում է օրաթերթը: