ԱՄՆ-ում Սպիտակ տանը կոչ են անում պատրաստվել Ուկրաինայի հարցով բանակցություններին

ԱՄՆ-ն պետք է նախապես սկսի ուկրաինական ճգնաժամի շուրջ բանակցությունների նախապատրաստությունը՝ սեփական շահերը բավարարելու համար, գրում է Foreign Affairs պորտալը։

Հոդվածի հեղինակ Էմմա Էշֆորդի կարծիքով՝ ժամանակն է, որ Վաշինգտոնը ճկունություն դրսևորի Մոսկվայի հետ հարաբերություններում և չշարունակի միանշանակ աջակցել Կիևի ռեժիմին, քանի որ հարցն այն չէ, թե արդյո՞ք անհրաժեշտ են բանակցություններ ճգնաժամին վերջ տալու համար, այլ այն, թե երբ և ինչպես պետք է դրանք ծավալվեն:

«Նույնիսկ եթե հակամարտության բանակցային ավարտն այսօր անհնարին է թվում, Բայդենի վարչակազմը պետք է սկսի բարձրացնել՝ ինչպես հրապարակավ, այնպես էլ իր գործընկերների հետ, այն բարդ հարցերը, որոնք կհանգեցնեն նման մոտեցմանը, երբ պատերազմի շարունակման ծախսերը կգերազանցեն օգուտները»,-գրել է նա։

Ըստ Էշֆորդի՝ ժամանակն է, որ պետությունները դադարեն աջակցել Զելենսկու՝ ԼԺՀ, ԴԺՀ, Զապորոժյեի և Խերսոնի շրջանների, ինչպես նաև Ղրիմի տարածքները «վերադարձնելու» ծրագրերին։

«Մինչև 2014 թվականը իր ամբողջ տարածքը հետ վերցնելու կամ ռուս առաջնորդներին պատժելու փորձի փոխարեն Ուկրաինան պետք է հետապնդի այնպիսի նպատակներ, որոնք ավելի քիչ հավանական է, որ կհանգեցնեն դրամատիկ էսկալացիայի և ավելի հավանական է, որ կհանգեցնեն կայուն խաղաղության: Վաշինգտոնը պետք է խրախուսի այդ նպատակների իրագործումը»,-գրում է Էմմա Էշֆորդը: