«Առավոտ». Պատասխանը պատվերի կարգով հնչեց

Թերթը գրում է. ««1-ին լրատվականին» տված իմ հարցազրույցում ես հստակ շեշտել եմ իմ անձնական կարծիքը և հավաստիացնում եմ մեր հասարակությանը, որ պատվեր կատարելու անհրաժեշտություն չունեմ, և եթե ես խոսք պետք է ասեմ կուսակցության անունից, ընկերների անունից կամ, ինչպես ոմանք են ձևակերպում՝ ինչ-որ խմբի անունից, ապա ես ունեմ կամք՝ հայտարարելու թե ում անունից եմ արել, կրկնում եմ՝ դա իմ կարծիքն է, ցավոք՝ պատասխանը պատվերի կարգով հնչեցվեց: Վստահ եմ, որ ոչ Շիրխանյանը, ոչ իր տեսակը ի վիճակի չեն իրենց անձնական կարծիքով ինձ բան ասել, և հենց դրանով էլ զբաղված են՝ պատվեր են կատարում»,- «Առավոտի» հետ զրույցում, մեկնաբանելով Վահան Շիրխանյանի տեսակետը իր որոշ հայտարարությունների առիթով՝ ասաց ԱԺ ՀՅԴ խմբակցության պատգամավոր, պաշտպանության նախկին փոխնախարար Արթուր Աղաբեկյանը»: