Թուրքիայում հայտարարել են, որ Շվեդիան չի կատարում ՆԱՏՕ-ին անդամակցելու Անկարայի պայմանները
Համաշխարհային Մամուլ
Թուրքիայի կառավարության «Արդարություն և զարգացում» կուսակցության խոսնակ Օմեր Չելիքն ասել է, որ, ըստ Թուրքիայի, Շվեդիան բավարար ջանքեր չի գործադրում Անկարայի պահանջները կատարելու համար, որպեսզի համաձայնություն ստանա թագավորության՝ ՆԱՏՕ-ին անդամակցելու համար։ Այս մասին հայտնում է SVT հեռուստաալիքը։
«Հայտարարությունները, որ անում է Շվեդիան, լավ են, բայց քանի դեռ դրանք չեն իրականացվել, դրանք բավարար չեն», - ասել է Չելիքը։
Այդ մասին նա հայտարարել է Շվեդիայի վարչապետ Ուլֆ Քրիսթերսոնի՝ Թուրքիա այցից անմիջապես առաջ, որտեղ նա կհանդիպի նախագահ Ռեջեփ Թայիփ Էրդողանի հետ՝ փորձելով «փակել այս հանգույցը» և ստանալ Անկարայի համաձայնությունը Շվեդիայի և Ֆինլանդիայի՝ Հյուսիսատլանտյան դաշինքին անդամակցելու համար։
Ավելի վաղ հայտնի էր դարձել, որ Շվեդիան նամակ է հղել Թուրքիային, որտեղ նկարագրված են ՆԱՏՕ-ին անդամակցության հաստատմանն ուղղված քայլերը։
Մինչ այս հաղորդվում էր, որ Քրիստերսոնը Էրդողանից հանդիպում է խնդրել ՆԱՏՕ-ին իր երկրի անդամակցության հարցով։
Հոկտեմբերի 26-ին Թուրքիայի նախագահի աշխատակազմը հայտնել է, որ Էրդողանը Քրիսթերսոնի հետ հեռախոսազրույցում քննարկել է երկկողմ հարաբերությունները և սկանդինավյան երկրի Հյուսիսատլանտյան դաշինքին միանալու հարցեր։
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
