ԱՄՆ-ն կասկածում է Հյուսիսային Կորեային Ռուսաստանին գաղտնի հրետանային արկեր մատակարարելու մեջ. CNN
Համաշխարհային Մամուլ
ԱՄՆ-ն, իբր, ունի հետախուզական տվյալներ այն մասին, որ Հյուսիսային Կորեան գաղտնի կերպով Ռուսաստանին հրետանային արկեր է մատակարարում` միաժամանակ թաքցնելով այդ բեռների նպատակակետը: Այս մասին գրում է CNN-ը՝ հղում անելով գաղտնազերծված հետախուզությանն ու Սպիտակ տան ներկայացուցիչներին։
«Մեր տվյալները ցույց են տալիս, որ ԿԺԴՀ-ն ուկրաինական պատերազմում Ռուսաստանին գաղտնի մատակարարում է զգալի քանակությամբ հրետանային արկեր՝ միաժամանակ թաքցնելով զենքի մատակարարման իրական նպատակակետը», - ասել է Ռազմավարական հաղորդակցությունների ազգային անվտանգության խորհրդի համակարգող Ջոն Քիրբին։
Հետախուզության տվյալներով՝ ԿԺԴՀ-ն ձևացնում է, թե իրականում զենք է ուղարկվում Մերձավոր Արևելքի և Հյուսիսային Աֆրիկայի երկրներ։ Միևնույն ժամանակ, նշում է CNN-ը, ամերիկացի պաշտոնյաները չեն ներկայացրել այդ մեղադրանքները հաստատող ապացույցներ, և գաղտնազերծված հետախուզությունը մանրամասներ չի պարունակում այն մասին, թե Հյուսիսային Կորեան որքան զենք է մատակարարել Ռուսաստանին և ինչպես է վճարել Մոսկվան դրա համար։
«Մենք կշարունակենք վերահսկել այդ բեռների ստացումը», - ասել է Քիրբին:
Ամենադիտված 
Մնաս բարյավ. Րաֆֆի Հովհաննիսյան
