Եվա Ռիվասի շուրջ ծավալված խոսակցությունների պարզաբանումները
Հասարակություն
Եվա Ռիվասի առողջական խնդիրների շուրջ ծավալված հակասական խոսակցությունների մասին «Արմենիա» փրոդաքշնը, որը զբաղվում է երգչուհու գործերով, հանձինս ընկերության պրոդյուսեր' Վալերի Սահարյանի խոսքերով իրենք չեն տարածել երգչուհու երկրորդ վիրահատության մասին լուրերը.
«Նույնիսկ ասել եմ, որ ըստ էթիկայի կանոնների' սխալ է, որ ես հայտնեմ, թե ինչ խնդիրներ են եղել նրա մոտ, քանի որ դրանք կանացի են: Գուցե իմաստն են սխալ հասկացել, չեմ կարող ասել. երբ կարդացի նյութը, զարմացա, սակայն չմտածեցի, որ պետք է հերքում պահանջել»-esyes.am-ին ասել է պրոդյուսերը:
«Իսկ Ռիվասը որոշել է ոչ թե հերքում է պահանջել, այլ պարզապես նամակ է գրել ու տեղեկացնել, որ շատ լավ է զգում իրեն ու երկրորդ անգամ չի վիրահատվել»,- հավելել է նա:
«Արմենիա» փրոդաքշնի պրոդյուսերը նաև տեղեկացրել է, որ առաջիկա 6-7 ամսվա ընթացքում Ռիվասի կողմից նոր տեսահոլովակ, ալբոմ ու երգ չի լինելու:
«Գուցե Եվան մասնակցի հավաքական երգերի ձայնագրմանն ու տեսահոլովակների նկարահանմանը, բայց անհատական նոր աշխատանքներ չեն լինի: Կարող եմ ասել նաև, որ երգչուհու գործնական ցանկացած համագործակցություն արվում է մեր փրոդաքշնի օգնությամբ, աջակցությամբ կամ տեղեկությամբ»,- նշել է Վալերի Սահարյանը:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
