Մակրոնը «կրակ է բացել» ԱՄՆ-ի վրա. ԶԼՄ-ներ

Ֆրանսիայի նախագահ Էմանուել Մակրոնը «կրակ է բացել» ԱՄՆ-ի վրա՝ մեղադրելով նրանց այն բանում, որ ԱՄՆ-ում էներգակիրների արտահանման գները շատ ավելի բարձր են, քան ներքինը, գրում է Huanqiu shibao-ն։

«Վաշինգտոնն օգտվեց մայրցամաքի էներգետիկ ճգնաժամից և աննախադեպ ծավալների հասցրեց գազի ու նավթի արտահանումը»,- ասվում է հրապարակման մեջ։
Այս առնչությամբ եվրոպացիները կարծում են, որ ԱՄՆ-ն «թալանում է իրենց հրդեհի ժամանակ», գրում են հեղինակները։

«Մենք չենք կարող ընդունել այն փաստը, որ ամերիկացի գործընկերները մեզ էներգիան վաճառում են չորս անգամ ավելի թանկ, քան իրենց ընկերություններին: Մենք չպետք է թույլ տանք, որ Միացյալ Նահանգները տնտեսական գերակայություն հաստատի Եվրոպայի հաշվին», - ասել է Ֆրանսիայի ֆինանսների նախարար Բրունո Լը Մերը: 

Միաժամանակ, նշվում է, որ Եվրոպային էներգառեսուրսների վաճառքի շնորհիվ Վաշինգտոնը կարողացել է ժամանակավորապես վերջ տալ երկրում «տեխնիկական անկմանը», քանի որ ՀՆԱ-ն երրորդ եռամսյակում տարեկան կտրվածքով աճել է 2,6%-ով։ Ընդ որում, տնտեսության այս հզորացումը գրեթե ամբողջությամբ պայմանավորված է զուտ արտահանմամբ, հավելում է հոդվածագիրը։

Ուկրաինայում ռուսական հատուկ գործողության մեկնարկից հետո Արևմուտքը ուժեղացրեց պատժամիջոցների ճնշումը Մոսկվայի վրա, բայց դա հրահրեց վառելիքի գների աճ և ռեկորդային գնաճ ԱՄՆ-ում և Եվրոպայում: Ինչպես նշել է նախագահ Վլադիմիր Պուտինը, Ռուսաստանին զսպելու և թուլացնելու քաղաքականությունը երկարաժամկետ ռազմավարություն է Արևմուտքի համար, սակայն պատժամիջոցները ծանր հարված են հասցրել ամբողջ համաշխարհային տնտեսությանը։ Նրա խոսքով, ԱՄՆ-ի ու նրա դաշնակիցների գլխավոր նպատակը միլիոնավոր մարդկանց կյանքը վատթարացնելն է։