Ադրբեջանը պայմաններ է դրել Եվրոպայի առջև. Financial Times
Համաշխարհային Մամուլ
Ադրբեջանը կկարողանա կրկնապատկել բնական գազի արտահանումը Եվրոպա միայն երկու պայմանով: Այդ նպատակին հասնելու համար ԵՄ իշխանությունները պետք է լրացուցիչ ներդրումների կատարեն Բաքվի խողովակաշարային համակարգում և կնքեն վառելիքի գնման երկարաժամկետ պայմանագրեր, Financial Times-ին տված հարցազրույցում ասել է փոխարտգործնախարար Էլնուր Մամեդովը։
«Ով շահագրգռված է ներդրումներ կատարել (Հարավային գազային միջանցքում -խմբ), լինի դա պետական կամ մասնավոր ընկերություն, թող իր գումարը դնի սեղանին, որպեսզի մենք կարողանանք բավարարել նրանց խնդրանքը։ Ներկայումս Եվրոպան հրատապ կարիք ունի այլընտրանքային մատակարարներ գտնելու»,- պարզաբանել է Մամեդովը։
2022 թվականի հուլիսին Ադրբեջանը և Եվրամիությունը հուշագիր են ստորագրել էներգետիկ համագործակցության մասին։ Նրա պայմանների համաձայն՝ երկու կողմերը կձգտեն մինչև 2027 թվականը կրկնապատկել Բաքվից Բրյուսել վառելիքի մատակարարումները՝ տարեկան մինչև 20 միլիարդ խորանարդ մետր։ Դրա համար անհրաժեշտ կլինի էապես մեծացնել Հարավային գազային միջանցքի (ՀԳՄ) թողունակությունը։
Ամենադիտված 
Մնաս բարյավ. Րաֆֆի Հովհաննիսյան
