Խերսոնի մարզում հրապարակայնորեն մահապատժի են ենթարկել 56-ամյա բուժքրոջը. FT

Ռուս զինվորականները Խերսոնի մարզի Սկադովսկում մահապատժի են ենթարկել 56-ամյա բուժքույր Տատյանա Մուդրենկոյին՝ «Սկադովսկան Ուկրաինա է» ասելու համար։ Ըստ Financial Times-ի՝ հոկտեմբերի 15-ին նրա քույրը՝ Նատալյա Չոռնայան, հեռախոսազանգ է ստացել և նրան հայտնել են, որ ռուս զինվորականները հրապարակավ կախել են Տատյանային փողոցում։

«Նա ինձ ասաց, որ Տանյային կախել են, ինչ-որ բան են լցրել նրա բերանը, իսկ հետո դատարանի շենքի դիմաց կախել են», - լրագրողներին ասել է Նատալյան:

Նա նշել է, որ դրանից անմիջապես հետո հեռախոսով զանգահարել է տեղի դիահերձարան, սակայն նրանք հրաժարվել են խոսել կնոջ հետ։ Եվ որոշ ժամանակ անց նրան, այնուամենայնիվ, ուղարկել են քրոջ մահվան վկայականը, որտեղ մահվան պատճառ է նշվել «մեխանիկական ասֆիքսիան»։

Ականատեսները պատմում են FT-ին, որ Տատյանան բազմիցս քննադատել է օկուպացիոն իշխանություններին և մասնակցել ուկրաինամետ ցույցերին Սկադովսկում: Իսկ հոկտեմբերի վերջին միջադեպ տեղի ունեցավ, երբ նա քննադատեց ուկրաինացի ոստիկաններին, ովքեր անցել էին Ռուսաստանի Դաշնության կողմը։ Հետո կինը բացականչել է այն արտահայտությունը, որը արժեցել է իր կյանքը: Դրանից հետո տնից առևանգել են Տատյանային և նրա ամուսնուն՝ Անատոլի Օրեխովին՝ խլելով ամուսինների ավտոմեքենան և նրանց հեծանիվը։

Հարևանները նշում են, որ որոշ ժամանակ անց Օրեխովն, այնուամենայնիվ, ազատվել է գերությունից, տղամարդու ձեռքը կոտրվել է, իսկ մարմնի վրա կան ծեծի հետքեր։ Անատոլիին թույլ են տվել թաղել կնոջը, որից հետո նա կրկին անհետացել է։

«Տատյանա Մուդրենկոյի առևանգման և մահվան որոշ մանրամասներ չի ստասցել անկախ կերպով ստուգվել, քանի որ այդ իրադարձությունները տեղի են ունեցել արևմտյան լրագրողների համար անհասանելի վայրերում», - նշում է Financial Times-ը։

Սակայն հրատարակության ներկայացուցիչները տեսել են Տատյանա Մուդրենկոյի մահվան վկայականը և լսել տեղի բնակիչների ցուցմունքները։ Դրանք հաստատել են քրոջ բոլոր խոսքերը։