Փողերի լվացման հարցով դիմե՛ք ուրիշ մարդկանց. Արմեն Աշոտյան
Հայաստան
Հոկտեմբերի 4-ին կառավարության հերթական նիստի ժամանակ վարչապետ Տիգրան Սարգսյանը հայտնեց, որ կառավարության նիստերին հրապարակվելու են նախարարների հաշվետվությունները հարկային պարտավորությունների կատարման և ոլորտում տնտեսական հնարավոր աճի վերաբերյալ:
Առաջինն իրենց նախարարությունների հարկային հաշվետվությունները պետք է ներկայացնեն ԿԳ նախարարը, Տրանսպորտի և կապի նախարարը և Էներգետիկայի և բնական պաշարների նախարարը:
Այսօր Lurer.com-ը զրուցեց ԿԳ նախարար Արմեն Աշոտյանի հետ՝ պարզելու՝ արդյոք նախարարությունը պատրաստ է Կառավարությանը ներկայացնել հարկային հաշվետվությունները. նա պատասխանեց. «Հաշվետվությունը պատրաստվել է կառավարության կողմից պահանջված ձևաչափին համապատասխան, բոլոր տեղեկությունները վաղը կհրապարակենք»:
Լրագրողի այն դիտարկմանը, թե փողերի լվացման հետ կապված ինչ-որ դեպքեր բացահայտվել են, նախարարը պատասխանեց. «Եկե՛ք անոնս չանենք իմ հաշվետվության վերաբերյալ, կանենք վաղը, փողերի լվացման հարցով դիմե՛ք ուրիշ մարդկանց»։ Այն հարցին, թե ում դիմենք, նախարարն ուղորդեց՝ «Փողերի լվացում տերմինը դեռևս որևէ պետական գերատեսչության հանդեպ չի օգտագործվել մամուլում, ուրիշ տեղեր փնտրե՛ք փողերի լվացման մեղադրանքները»:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
