Կոստրոմայում հրդեհված «Պոլիգոնի» սեփականատերը ամուր կապեր ունի ադրբեջանական սփյուռքի հետ. Readovka

ՌԴ Կոստրոմա քաղաքում հրդեհված «Պոլիգոն» գիշերային ակումբ-սրճարանի սեփականատերը ամուր կապեր ունի ադրբեջանական սփյուռքի հետ։ Այս մասին հաայտնում է Readovka տելեգրամյան ալիքը:

Աղբյուրը Readovka-ին հայտնել է, որ Կոստրոմայի քաղաքային դումայի պատգամավոր Իխտիյար Միրզոևը, այրված ակումբի սեփականատերը, որտեղ 13 մարդ է մահացել, բավականին ազդեցիկ գործարար է, ով սերտ կապեր ունի ադրբեջանական սփյուռքի հետ։ Բացի  «Պոլիգոն»-ից, նրան են պատկանում հյուրանոցային բիզնեսի մի քանի ընկերություններ։

«Միրզոևին է պատկանում «Հեկտոր», «Տրոյա» և «Աքիլլես» ընկերությունների հարկի տակ գտնվող հյուրանոցային բիզնեսը։ Ինչ վերաբերվում է  «Պոլիգոնին», դրա պաշտոնական գլխավոր տնօրենը Աննա Տոկունովան է, ում մասին լուրեր են շրջանառվում, որ Միրզոևի ազգականն է, իսկ սեփականատերը 49-ամյա Իրինա Սմիրնովան է»,- ասել է աղբյուրը Readovka-ին։

Վերջինս գրանցված է Միրզոևի հետ նույն հասցեում,  ինչպես նաև սոցիալական ցանցերում ընկերություն է անում նրա 15-ամյա որդու հետ։ Բացի այդ, Սմիրնովան ունի մի քանի այլ շահութաբեր ընկերություններ, որոնք բոլորն էլ հիմնված են Միրզոևի ֆիրմաների հասցեներում: Օրինակ, «Ատրակցիոն» ընկերությունը Իրինային անցյալ տարի տվել է 19 միլիոն ռուբլի։

Այս ամառ Միրզոևի «Պոլիգոն» ընկերությունը մեղադրյալ է դարձել Կոստրոմայի Հաղթանակի զբոսայգում հողերի անօրինական վաճառքի գործով։ 2018 թվականի հուլիսին քաղաքապետարանը ընկերությանը թույլտվություն է տվել Բուլվարնայա փողոցում գտնվող քաղաքի Պոբեդա այգում սպորտային օբյեկտ կառուցելու համար։ Այս կարիքների համար ընկերությանը նույնիսկ թույլտվություն է տրվել կտրել հիսուն ծառ և ոչնչացնել ծաղկաթմբեր՝ 645 քառակուսի մետր տարածքի վրա, սակայն այդ տարածքում այժմ գտնվում է «Պյատերոչկա» խանութը։