Չկա «մենք և նրանք», կա միայն «մենք». Իսրայելի պաշտոնաթող վարչապետ Լապիդը ազգային միասնության կոչ է արել

Իսրայելի վարչապետ Յաիր Լապիդը, որի Yesh Atid կուսակցությունը պարտվել է վերջին խորհրդարանական ընտրություններում, կոչ է արել երկրի քաղաքացիներին միավորվել ընդհանուր արժեքների շուրջ և կանխել կրոնական հողի վրա պառակտումը։ Նրա խոսքերը մեջբերում է Euronews-ը։

«Չկա «մենք և նրանք», կա միայն «մենք»։ Այս երկրի քաղաքացիների ճնշող մեծամասնությունը հավատում է օրենքի գերակայությանը, ժողովրդավարական արժեքներին և փոխադարձ հարգանքին։ Իսրայելցիների ճնշող մեծամասնությունը ցանկանում է հուդայականություն, որը միավորում է մեզ, ոչ թե հուդայականություն, որը քաղաքական գործիք է, և, իհարկե, ոչ հուդայականություն, որն աջակցում է բռնությանը», - ասել է Լապիդը:

Նախօրեին Լապիդն ասել էր, որ իր կուսակցությունը չի մտնի Իսրայելի նոր կառավարություն «ոչ մի սցենարով»:

Վերջին խորհրդարանական ընտրությունները հինգերորդն էին 2019 թվականի ապրիլի 9-ից հետո։ Բենիամին Նեթանյահուի «Լիկուդ» կուսակցությունը և նրա դաշնակիցները Կնեսետում (Իսրայելի խորհրդարան) ստացան 120 մանդատներից 64-ը: Լապիդի Yesh Atid կուսակցությունը ստացել է 51 մանդատ։