Երեկ Սիրիայում սպանվել են տասնյակ դասալիքներ

Նախօրեին ավելի քան 70 զինվոր է սպանվել Սիրիայի հյուսիս–արևմուտքում գտնվող Իդլիբ գավառում, ովքեր փորձել են փախչել և միանալ հակակառավարական ցույցերի մասնակիցներին։ Այս մասին հաղորդել է Սիրիայում մարդու իրավունքների հարցերով մոնիտորինգի կենտրոնի Լոնդոնում գտնվող կազմակերպության ներկայացուցիչը։

Չնայած այս տեղեկությունների մասին պաշտոնական հաստատում այս պահի դրությամբ չկա, ըստ կազմակերպության տվյալների՝ զինվորների ուղղությամբ կրակել են ավտոմատներով, երբ որ նրանք փորձել են հեռանալ իրենց ծառայակետերից։ Վերոհիշյալ կազմակերպությունն այս տեղեկությունները տարածել է՝ հիմնվելով վիրավորված զինվորների հայտնած տեղեկությունների վրա։

Սիրիայում մարդու իրավունքների պաշտպանության հարցերով զբաղվող կամզակերպությունները հայտնել էին, որ երկուշաբթի օրը Սիրիայում տեղի ունեցած ցույցերի հետևանքով զոհվել է առնվազն 13 մարդ։ Սակայն ցույցերի կազմակերպիչները հայտարարել են 31 մարդու զոհվելու մասին։

Բաշար Ասադի կողմնակիցները պնդում են, որ իրենք պայքարում են զինված ավազակախմբերի դեմ, որոնք փորձում են ապակայունացնել երկիրը։ Հաղորդում է BBC–ն։