Շառլ Միշելի և Ուրսուլա ֆոն դեր Լեյենի հարաբերությունները լարված են. Politico

Եվրահանձնաժողովի ղեկավար Ուրսուլա ֆոն դեր Լեյենը չի հրավիրվել Եվրոպական խորհրդի ղեկավար Շառլ Միշելի և Չինաստանի ղեկավար Սի Ցզինպինի հանդիպմանը՝ G20-ի գագաթնաժողովի շրջանակներում։ Այդ մասին գրում է Politico-ն։

Հրատարակության տվյալներով՝ դրա պատճառը Միշելի ու ֆոն դեր Լեյենի լարված հարաբերություններն են։ Նա հունիսին Գերմանիայում G7 հանդիպման շրջանակներում թույլ չի տվել Միշելին մասնակցել Հնդկաստանի վարչապետ Նարենդրա Մոդիի հետ հանդիպմանը, ինչի պատճառով էլ ԵՀ ղեկավարին չեն հրավիրվել ՉԺՀ նախագահի հետ Միշելի հանդիպմանը:

Եվրոպական խորհրդի և Եվրահանձնաժողովի աշխատակիցներին խորհուրդ չի տրվել շփվել: Քաղաքական գործիչները նույնիսկ բացառել են միմյանց ներկայությունը օտարերկրյա դիվանագետների հետ հանդիպումներին։ Եվրամիության ներկայացուցիչներից մեկը նշել է, որ եվրոպական քաղաքական կառույցների հարաբերությունները երբեք այսքան ցածր մակարդակի չեն իջել։