ԱՄՆ-ում զորավարժություններ են մեկնարկել՝ ռուս զինվորականների հետ բախման սցենարով. Times

ԱՄՆ զինվորականները, բրիտանացի և ավստրալացի զինվորականների հետ միասին, սկսել են «Project Convergence» զորավարժությունները Մոխավե անապատում՝ նմանակելով Եվրոպայում ռուս զինվորականների հետ բախումները: Այդ մասին գրում է The Times-ը։

Հրատարակության տվյալներով՝ ԱՄՆ են ժամանել մոտ 450 բրիտանացի զինվորականներ, այդ թվում՝ էլիտար Ռեյնջեր ստորաբաժանման զինվորականներ։ Նրանք կմասնակցեն զորավարժություններին, որոնք կտևեն 14 օր՝ Ֆորտ Իրվին բազայում։

Նշվում է, որ զորավարժությունների սցենարը մոդելավորում է ինչպես «ցամաքային մարտեր Եվրոպայում», այնպես էլ «հակամարտություն Խաղաղ օվկիանոսի կղզում»: Ուսումնամարզական միջոցառումները նմանակելու են «[մարտական ​​գործողություններ] Եվրոպայում ռուսական զորքերի գտնվելու պայմաններում»։