ՆԱՏՕ-ի մի շարք երկրներ աջակցել են Ուկրաինայի՝ դաշինքին անդամակցելու հայտին. Politico

Հոկտեմբերին Բրյուսելում կայացած փակ հանդիպման ժամանակ ՆԱՏՕ-ի մի շարք երկրներ, այդ թվում՝ Հունաստանը, աջակցել են դաշինքին միանալու Ուկրաինայի դիմումին, գրում է ՌԻԱ Նովոստին՝ հղում անելով Politico թերթին։

Ինչպես նշվում է հոդվածում, ԱՄՆ պաշտպանության նախարար Լլոյդ Օսթինը ընդունել է ՆԱՏՕ-ին անդամակցելու Ուկրաինայի ցանկությունը, սակայն նշել է, որ «կարճաժամկետ հեռանկարում լուծումներ չեն տեսնում»։

ՆԱՏՕ-ի այլ ներկայացուցիչներ, մասնավորապես Լեհաստանը և Հունաստանը, ասել են, որ իրենք պաշտպանում են Ուկրաինայի հայտը:

Սեպտեմբերին Ուկրաինայի նախագահ Վոլոդիմիր Զելենսկին հայտարարել էր, որ Ուկրաինան արագացված հիմունքներով դիմում է ՆԱՏՕ-ին անդամակցելու համար։ Այս մասին ՆԱՏՕ-ի գլխավոր քարտուղար Յենս Ստոլտենբերգն ասել էր, որ դաշինքը դեռ չի կարող ընդունել Ուկրաինային կազմակերպություն, քանի որ դրա համար անհրաժեշտ է դաշինքի անդամ բոլոր 30 երկրների որոշումը։