Մեզ ստիպել են 52 տարի տառապել. Էրդողանը համարժեք պատասխան է խոստացել

Թուրքիայի նախագահ Ռեջեփ Թայիփ Էրդողանը խոստացել է պատասխան տալ նրանց, ովքեր 52 տարի երկիրը պահում են «Եվրամիության դռան մոտ», գրում է ՌԻԱ Նովոստին։

«Մեզ ստիպել են 52 տարի տառապել ԵՄ դռների մոտ։ Նրանք դեռ շարունակում են անել նույն բանը»,- ասել է Էրդողանը՝ ելույթ ունենալով «Թյուրքական աշխարհի բարձրագույն շքանշանի» շնորհման արարողության ժամանակ։

Նա ընդգծել է, որ Թուրքիան կպատասխանի, «երբ հարմար պահը գա»։

1963-ին Թուրքիան Ասոցացման համաձայնագիր է ստորագրել ԵՄ-ի հետ, 1987-ին դիմել է կազմակերպությանն անդամակցելու համար։ Մինչդեռ ԵՄ-ին անդամակցելու շուրջ բանակցությունները սկսվել են միայն 2005 թվականին և բազմիցս դադարեցվել են տարաձայնությունների պատճառով։

Ավելի վաղ Էրդողանն առաջարկել էր Մեծ Բրիտանիայի փոխարեն Թուրքիային ընդունել Եվրամիություն։

Նրա խոսքով, Թուրքիայի մուտքը դաշինք շահավետ է նաև ԵՄ-ի համար, քանի որ Անկարան ունի բանալի, որը կօգնի լուծել այն խնդիրները, որոնց հետ վերջերս բախվել է միությունը։