Մահացել է «Տերմինալ» ֆիլմից Թոմ Հենքսի հերոսի նախատիպը

Փարիզի Շառլ դը Գոլ օդանավակայանում մահացել է իրանցի փախստական ​​Մերան Քարիմի Նասերին, ով Սթիվեն Սփիլբերգին ոգեշնչել է ստեղծել «Տերմինալ» ֆիլմը, որը պատմում է օդանավակայանում արգելափակված ուղևորի մասին: Ինչպես ՏԱՍՍ-ին հայտնել է օդանավակայանի ադմինիստրացիայի աղբյուրը, դա տեղի է ունեցել նոյեմբերի 12-ի կեսօրին։

Նա նաև հավելել է, որ իրանցին գումարի հետ կապված խնդիրներ չի ունեցել․ նա ապահովված է եղել Սփիլբերգի ֆիլմից ստացված հոնորարներով։ Միևնույն ժամանակ, նրա խոսքով, Փարիզի օդանավակայանի երկարամյա բնակիչը հոգեպես ամբողջովին առողջ չէր և կարծում էր, որ իբր դեռ փաստաթղթերի հետ կապված խնդիրներ ունի, ուստի նորից վերադարձել էր օդանավակայան։