Իլոն Մասկը տեսակապով կմասնակցի G20 գագաթնաժողովին․ Reuters

Ինդոնեզիայի Առևտրաարդյունաբերական պալատի նախագահ Արշադ Ռասիդը հայտնել է, որ ամերիկացի գործարար Իլոն Մասկն անձամբ չի մասնակցի Բալիում կայանալիք G20 գագաթնաժողովին, այլ կխոսի տեսակապի միջոցով։ Նրա խոսքերը հայտնում է Reuters-ը։

Ռասիդը նշել է, որ Մասկը չի կարողանա հասնել գագաթնաժողովին, քանի որ ԱՄՆ-ում անսպասելիորեն տեղի է ունեցել որոշակի «միջադեպ», որը պահանջում է նրա ներկայությունը երկրում։

G20-ի գագաթնաժողովը նախատեսվում է անցկացնել Բալիում նոյեմբերի 15-ին և 16-ին։

Մինչ այս Ինդոնեզիայի CNN-ը հայտնել էր, որ G20-ի գագաթնաժողովին պետք է մասնակցի SpaceX-ի ղեկավար Իլոն Մասկը։