«Հրապարակ». Հովիկ Աբրահամյանի նկարը պետք է «թվայնացնել»

«Հրապարակ»-ը գրում է, որ նախօրեին խորհրդարանական միջանցքներում քննարկման թեման հետևյալն էր. եթե առաջիկայում Հովիկ Աբրահամյանը հրաժարական տա, երրորդ հարկի միջանցքի պատին փակցված Աժ նախագահների նկարների կողքին նրա նկարը երկրորդ անգա՞մ են փակցնելու: Կարծում ենք` այո, գտնում էին դաշնակցական ֆրակցիայի անդամները, եթե անհրաժեշտ է՝ երրորդ անգամ էլ պետք է փակցվի: «Շատ ըլնի, քիչ չըլնի»,- հումորով նկատեց նրանցից մեկը:

Բոլորովին այլ կարծիքի էին ՀՀԿ ֆրակցիայում, այնտեղ գտնում էին, որ այդ գործընթացը պետք է պարզապես «թվայնացնել»: «Թվայնացումն» էլ ըստ ՀՀԿ-ի այն է, որ Հովիկ Աբրահամյանի նկարի տակ պետք է գրվեն պաշտոնավարման բոլոր ժամկետները: Դաշնակցական ընկերները համառորեն համաձայն չէին այդ մտքի հետ: