Անկարայում տեղի է ունեցել Սերգեյ Նարիշկինի և ԿՀՎ ղեկավարի հանդիպումը. NTV

Ռուսաստանի արտաքին հետախուզական ծառայության տնօրեն Սերգեյ Նարիշկինը և ԱՄՆ Կենտրոնական հետախուզական վարչության (ԿՀՎ) տնօրեն Ուիլյամ Բերնսը հանդիպել են Անկարայում՝ Թուրքիայի ազգային հետախուզական կազմակերպության կենտրոնակայանում։ Այս մասին հայտնում է թուրքական NTV հեռուստաալիքը՝ հղում անելով թուրքական հատուկ ծառայությունների աղբյուրներին։

Հեռուստաընկերության տվյալներով՝ բանակցությունների մանրամասները չեն հաղորդվում։ NTV-ն կարծում է, որ այս հանդիպումը կարող է կարևոր լինել Մոսկվայի և Վաշինգտոնի միջև կապեր հաստատելու համար։ Թուրքիայի իշխանությունները դեռ չեն մեկնաբանել Ռուսաստանի Դաշնության և ԱՄՆ-ի հետախուզական կազմակերպությունների ղեկավարների հանդիպման մասին տեղեկատվությունը։

Ավելի վաղ «Կոմերսանտ» թերթը, վկայակոչելով թուրքական աղբյուրին, հայտնել էր, որ Թուրքիայի մայրաքաղաքում բանակցություններ են ընթանում Ռուսաստանի և ԱՄՆ-ի միջև, որին ռուսական կողմից մասնակցում է Թուրքիա մեկնած ՌԴ արտաքին հետախուզության ծառայության ղեկավար Սերգեյ Նարիշկինը։