Լախդար Բրահիմին կհամոզի Սիրիայի կառավարությանը դադարեցնել կրակը

Միավորված ազգերի կազմակերպության (ՄԱԿ) և Արաբական պետությունների լիգայի համատեղ հատուկ ներկայացուցիչ Լախդար Բրահիմին մեկնում է Դամասկոս, որպեսզի փորձի համոզել սիրիական ղեկավարությանը համաձայնել դադարեցնել կրակը։ Ալժիրցի դիվանագետը նախևառաջ առաջարկում է հայտարարել «խաղաղ դադար» արձակուրդների ընթացքում Աիդ ալ Ադհա մուսուլմանական տոնի կապակցությամբ, որը նշվում է հոկտեմբերի 26-ին. հաղորդում է ИТАР-ТАСС-ը։

Ելույթ ունենալով Բեյրութում՝ Բրահիմին նախազգուշացրել է, որ հակամարտությունն «անխուսափելիորեն դուրս կգա Սիրիայի սահմաններից, կտարածվի հարևան երկրների և ամբողջ տարածաշրջանի վրա, եթե այն չկագնեցնեն»։ Միաժամանակ նա բացեիբաց խոստովանել է, որ հասնել «խաղաղ կարգավորման չափազանց դժվար կլինի»։ «Բայց, այնուամենայնիվ, մենք պետք է ձգտենք դուրս հանել Սիրիային անդունդից, հակառակ դեպքում ներքին ճգնաժամը կսաստկանա և կանցնի երկրի սահմաններից, կրակն ու արնահեղությունը կտարարծվեն ամբողջ մերձավոր Արևելքի վրա»,-նշել է Լախդար Բրահիմին։

Դիվանագետի խոսքերը հաստատեցին թուրք-լիբիական սահմանի վրա տեղի ունեցած իրադարձությունները, որտեղ կառավարական բանակը չորեքշաբթի օրը ազատեց Ջուսիա քաղաքը։ Ինչպես հաղորդում է Al-Manar հեռուստաընկերությունը, դա թույլ տվեց սիրիացի զինծառայողներին փակել զինլյաներին մատակարարվող զենքի ուղիները։

Լարվածությունը չի մեղմանում նաև թուրք սիրիական սահմանին, մասնավորապես՝ Հաթայ գավառում։ Ամենաթեժ կետը շարունակում է մնալ Թուրքիայի հետ սահմանին գտնվող Իդլիբ գավառը։ Հալեպում կառավարական զորքերը սկսել են Բուսթան էլ Բաշա թաղամասի մաքրումը, որը ճանապարհ է բացում դեպի ապստամբների խմբավորումը քաղաքի հյուսիսային մասում։ Այս թաղամասի ազատագրումը թույլ կտա կանոնավոր բանակին արգելափակել ճանապարհը դեպի գործարար քաղաք։

Այնուամենայնիվ, Սիրիան հույսեր է կապում Լախդար Բրահիմիի տարածաշրջանային այցի հետ և կարծում է, որ այցի արդյունքում «կստեղծվի կառուցողական գաղափար, որը և վերջ կդնի պատերազմին»։