Նյարդաբանները պարզել են` որ մթերքն է մեծացնում ցավի նկատմամբ զգայունությունը

Ճարպերով հարուստ դիետան կարող է առաջացնել քրոնիկ ցավ և ցավի նկատմամբ զգայունության բարձրացում: Այս եզրակացությանն են հանգել Տեխասի համալսարանի նյարդաբանները, որոնց աշխատանքը հրապարակվել է Scientific Reports ամսագրում։

Գիտնականները փորձեր են անցկացրել մկների երկու խմբի վրա։ Ութ շաբաթվա ընթացքում մի խումբ ստացել է սովորական սնունդ, իսկ մյուսը սնվել է բարձր յուղայնությամբ: Դիետան ձևակերպվել է այնպես, որ չարագացնի գիրության կամ շաքարախտի զարգացումը։ Այս երկու պայմանները կարող են հանգեցնել նեյրոպաթիկ ցավի: Սա ցավի տեսակ է, որն առաջանում է ոչ թե ֆիզիկական վնասվածքի արձագանքման, այլ ծայրամասային կամ կենտրոնական նյարդային համակարգի նեյրոնների պաթոլոգիական գրգռման արդյունքում, որոնք պատասխանատու են մարմնի ֆիզիկական վնասվածքի արձագանքման համար:

Պարզվել է, որ ճարպային սննդակարգն առաջացրել է մարմնի աննորմալ բարձր զգայունություն ցավոտ գրգռիչների և քրոնիկական ցավերի նկատմամբ։ Բացի այդ, նման դիետան հանգեցնում է ալոդինիայի։ Սա ցավ է գրգռիչների ազդեցության պատճառով, որոնք սովորաբար դա չեն առաջացնում:

Գիտնականների կարծիքով՝ դա պայմանավորված է ճարպաթթուներից մեկով՝ պալմիտիկով։ Այն կապում է նյարդային բջիջների հատուկ ընկալիչին: Այս գործընթացը հանգեցնում է բորբոքման և մարմնի ֆիզիկական վնասին արձագանքելու համար պատասխանատու նեյրոնների վնասմանը: