Պետդեպարտամետ. Անկարայում իջեցված սիրիական ինքնաթիռը զենք էր տեղափոխում

ԱՄՆ-ն հիմքեր չունի չհավատալու թուրքական իշխանություններին, որոնք հայտարարել են, որ Անկարայում ստիպողաբար վայրէջք կատարած սիրիական ինքնաթիռը ռուսական զենք էր տեղափոխում, այս մասին հայտնել է ԱՄՆ Պետդեպարտամենտի պաշտոնական ներկայացուցիչ Վիկտորիա Նուլանդը. հաղորդում է, vz-ը։ «Մենք չունենք որևէ հիմք կասկածելու, որ, ըստ թուրք դաշնակիցների հայտարարության, ինքնաթիռում վտանգավոր բեռ է գտնվել»,-հայտարարել է Նուլանդը չորեքշաբթի օրը տեղի ունեցած ճեպազրուցի ժամանակ։

Ի պատասխան հարցին՝ «կարո՞ղ է այդ բեռն օգտագործվել ժողովրդի դեմ», դիվանագետը պատասխանեց, որ «բեռի բնույթը խոսում է հենց դրա մասին»։ Նա նաև պատասխանեց հարցին, թե շարունակում է արդյոք ռուսաստանը զենք մատակարարել Սիրիայի կառավարական զորքերին. «Ռուսական կառավարությունն ինքը հայտարարել է, որ նոր պայմանագրեր չի կնքել (Սիրիային զինամթերքի մատակարարման մասին), սակայն ՌԴ-ն շարունակում է կատարել հին պայմանագրով սահմանված պարտականույունները»,-հաղորդում է Интерфакс-ը։ Նշենք, որ երեքշաբթի օրը Թուրքիայի վարչապետ Ռեջեփ Թայիփ Էրդողանը հայտարարել է, որ հոկտեմբերի 10-ին սիրիական ինքնաթիռից առգրավված բեռն ունի ռազմական նշանակություն, ընդգծելով, որ իշխանությունները դեռ պատրաստ չեն հրապարակել մանրամասն տեղեկություններ բեռի վերաբերյալ, սակայն Անկարան տիրապետում է առգրավված բեռի ռազմական բնույթի վերաբերյալ բոլոր հիմնավորումներին։

Հիշեցնենք, որ հոկտեմբերի 10-ին Թուրքիան ստիպել է վայրէջք կատարել Ռուսաստանից Դամասկոս թռչող ինքնաթիռին՝ ռազմական բեռ փոխադրելու կասկածանքով։ Մի քանի ժամ տևած զննումից հետո ինքնաթիռում հայտնաբերված բեռն առգրավվել է։