ԱՄՆ կոնգրեսական. Ժամանակն է կենտրոնանալ Արցախի վրա

Ես երկար ժամանակ աջակցել եմ Լեռնային Ղարաբաղի ժողովրդին և կարծում եմ, որ քանի դեռ Ամերիկայի Միացյալ Նահանգները և Մինսկի խմբի գործընկերները միասնական ջանքեր չգործադրեն՝ կարգավորելու համար Լեռնային Ղարաբաղի խնդիրն այնպես, որ այն արտացոլի Արցախի ժողովրդի կամքը, նոր կռվի և սարսափելի զոհերի հեռանկարն ավելի իրական կդառնա: Բոլորի շահերից է բխում այդ խնդիրը կարգավորված տեսնելը, և դա պետք է լինի 2013 թվականի դիվանագիտական առաջնայնությունը:

Տարիների պայքարն ու տնտեսական մեկուսացումը խիստ դանդաղեցրել են Լեռնային Ղարաբաղի զարգացումը: Հայ-ամերիկյան համայքի օգնությամբ ես դրդում էի ԱՄՆ-ի միջազգային զարգացման գործակալությանը ավելի մեծ օգնություն տրամադրել Արցախին:

Ուժեղ, անկախ Արցախի կառուցումը գործի մի մասն է, այնուհանդերձ: Ադրբեջանին պետք է հիշեցնեն, որ իր գործողությունների գինը շատ մեծ է: Ադրբեջանը շատ բարձր է գնահատում այն օգնությունը, որ ստանում է Վաշինգտոնից, ոչ թե այն բանի համար, որ փողի կարիք ունի, այլ նրա համար, որ գնահատում է որոշակի մտերմությունը երկկողմ հարաբերություններում: Ադրբեջանին ռազմական օգնությունը դադարեցնելով՝ ԱՄՆ-ը հանդես կբերի իր զզվանքը Սաֆարովի գործով՝ միևնույն ժամանակ հիշեցնելով Ալիևին, որ ԱՄՆ-ն չի հանդուրժի Հայաստանի դեմ նրա ագրեսիվ քայլերը:

Չպետք է թույլ տրվի, որ Արցախի ժողովուրդը, որի ճնշող մեծամասնությունը հայ է և մեծամասնությունը քրիստոնյա է, ընկնի Ալիևի ձեռքերի մեջ: Պատվելով մարդասպանին՝ նա և իր պետությունը աշխարհին ցույց տվեցին իրենց իրական էությունը: