Բացառվում է, որ Լեհաստանում ընկած հրթիռն արձակված լինի Ռուսաստանից. Բայդեն
Համաշխարհային Մամուլ
Նախնական տվյալներով՝ բացառվում է, որ Լեհաստանում ընկած հրթիռը արձակվել է Ռուսաստանից։ Այս մասին ասել է ԱՄՆ նախագահ Ջո Բայդենը, գրում է Ռիա Նովոստին։
«Նախնական տեղեկություններով՝ դա հերքվում է։ Ես չեմ ուզում դրա մասին խոսել մինչև հետաքննության ամբողջական ավարտը, բայց հետագծի առումով՝ դժվար թե այն արձակված լինի Ռուսաստանից։ Մենք դեռ կտեսնենք»,-լրագրողներին ասել է Բայդենը Բալիում համաշխարհային առաջնորդների հետ հանդիպումից հետո։
Նա հավելել է, որ մտադիր է պարզել Լեհաստանում հրթիռային միջադեպի ստույգ հանգամանքները, ապա որոշել, թե ինչ քայլեր ձեռնարկել։ Նա նաև հայտնել է, որ ՆԱՏՕ-ի և G7-ի ղեկավարները հանդիպման ժամանակ քննարկել են Լեհաստանում հրթիռային միջադեպը և պայմանավորվել օգնել Վարշավային հետաքննության հարցում։
Ավելի վաղ Լեհաստանի նախագահ Անջեյ Դուդան հայտարարել էր, որ Վարշավան ստույգ տեղեկություն չունի, թե ում հրթիռներն են ընկել երկրի տարածքում։ Այս հայտարարությունը հակասում է Լեհաստանի ԱԳՆ-ի պնդմանը, որն ավելի վաղ հայտարարել էր, որ երկրի տարածքում «ռուսական արտադրության» հրթիռ է ընկել։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
