Լեհաստանում ընկել են ուկրաինական S-300 համակարգի տարրերը. ՌԴ ՊՆ

Փորձագետները Լեհաստանում պայթյունի վայրից արված լուսանկարներում հրթիռի բեկորները նույնականացրել են ուկրաինական С-300-ի տարրերի հետ, հայտնել է ՌԴ պաշտպանության նախարարությունը, գրում է Ռիա Նովոստին։

ՌԴ ՊՆ-ն ընդգծել է, որ զինվորականները ոչ մի թիրախ չեն խոցել ուկրաինալեհական սահմանի տարածքում, և Մոսկվայի մասնակցության մասին Վարշավայի բոլոր հայտարարությունները սադրանք են։

G7-ի և ՆԱՏՕ-ի երկրների ղեկավարների արտակարգ հանդիպումից հետո ԱՄՆ նախագահ Ջո Բայդենի խոսքով՝ նախնական տվյալները չեն հաստատում, որ ընկած հրթիռը ընկել է Ռուսաստանից։ Պենտագոնից հայտնել են, որ իրենք մտադիր են գործել ոչ թե շահարկումներով, այլ փաստերով, որոնք պարզաբանելու համար բավական հնարավորություններ կան։