Նիկոլն ընդդեմ Փաշինյանի. մաս 4

Հեղափոխությունից հետո շատ հաճախ բախվում ենք մի իրավիճակի հետ, երբ վարչապետ Փաշինյանի շուրթերից լսում ենք այնպիսի հայտարարություններ, որոնք լրջորեն հակասում են իր իսկ խոսքերին, որոնք վերջինս հնչեցրել է ընդդիմադիր պատգամավորի կարգավիճակում: 

Ընդդիմադիր Փաշինյանի մի շարք հայտարարություններ վերաբերվել են այն ժամանակվա վարչապետ Տիգրան Սարգսյանին: Դիցուք՝ Փաշինյանը առանձնացրել էր վերջինիս կաբինետի թոփ 10 սկանդալները և դրանց մասին հիշատակել ԱԺ ամբիոնից:

Բացի այդ, Հանրապետականի «Եկեք հիշենք պատմությունը» կոչի շրջանակներում պատգամավորի թեկնածու Նիկոլ Փաշինյանը ընտրողներին առաջարկում էր նայել 1995թ.-ի վարչապետ Տիգրան Սարգսյանի լուսանկարները. «Էդ լուսանկարներում խեղճը էնենց ա, ոնց որ մի տարի հաց կերած չլինի, ոնց որ կոնցլագերի գերի լինի: Հիմա էս մարդու բանկային հաշիվների վրա 1 մլն դոլար քեշ փող կա»: Բացի այն, որ Փաշինյանը Տիգրան Սարգսյանին մեղադրում էր ապօրինի հարստացման մեջ, նա նաև բազմիցս հայտարարել էր, որ Սարգսյանը օֆշորներում է թաքցնում բյուջեից գողացված գումարները: Ինչպես գիտենք, հեղափոխությունից հետո այս մեղադրանքների հետքերով նույնպես պատկան մարմինները որևէ քննչական գործություն չեն ձեռնարկել:

Հեղափոխությունից հետո, սակայն, իրավիճակը կտրուկ փոխվեց, Փաշինյանը չէր խորշում այդ նույն Տիգրան Սարգսյանի հետ ասուլիս տալ կամ մասնակցել պետական միջոցառումների:

Նիկոլ Փաշինյանը նույնիսկ հրապարակավ շնորհակալություն էր հայտնում Տիգրան Սարգսյանին:

Շարունակելի...