ԵՄ-ն սառեցրել է 68 միլիարդ եվրոյի ռուսական ակտիվները. Politico

Եվրամիությունը սառեցրել է 68 միլիարդ եվրոյի ռուսական ակտիվները, որոնց մեծ մասը գտնվում է Բելգիայում: Այս մասին հայտնում է Politico եվրոպական թերթը։

ԵՄ-ն սառեցրել է ընդհանուր առմամբ 68 միլիարդ եվրոյի ռուսական ակտիվները, որոնց մեծ մասը գտնվում է Բելգիայում, ասված է հանձնաժողովի ներքին փաստաթղթում:

Ըստ Politico-ի՝ Բելգիային բաժին է ընկնում Ռուսաստանի բոլոր սառեցված ակտիվների 50 միլիարդ եվրոն: Երկրորդ տեղում Լյուքսեմբուրգն է՝ 5,5 մլրդ եվրոյով։

Ինչպես նշվում է նյութում, ԵՄ-ն հստակ չգիտի, թե Ռուսաստանի քանի ազգային պաշարներ են սառեցված միության տարածքում։ ԵՄ մոտավոր գնահատականը կազմում է 33,8 միլիարդ եվրո:

ԵՄ հանձնաժողովը դեռ սպասում է Խորհրդի որոշմանը պատժամիջոցներից խուսափելը ԵՄ հանցագործություն դարձնելու վերաբերյալ, ինչը, թերթի հաղարդմամբ, կհեշտացնի ակտիվների բռնագրավումը քրեական դատապարտման դեպքում: Միաժամանակ, Լեհաստանը, ըստ փաստաթղթի, կանգնեցրել է գործընթացը։ Դիվանագետներից մեկի խոսքերով, թեև Վարշավան լիովին աջակցում է այս որոշմանը, նախ անհրաժեշտ է ընդունել ազգային օրենք, ինչը ներկայումս անում է։