Բորիս Ջոնսոնը 329 000 դոլար է ստացել ելույթի համար. Guardian

Մեծ Բրիտանիայի նախկին վարչապետ Բորիս Ջոնսոնը 329 հազար դոլար է վաստակել հոկտեմբերին ԱՄՆ-ում ապահովագրական գործակալների առջև ունեցած ելույթի համար, գրում է The Guardian-ը։

Ինչպես նշվում է հրապարակման մեջ, կառավարության նախկին ղեկավարը, ով հոկտեմբերի 11-14-ը գտնվում էր ԱՄՆ-ում, ելույթ է ունեցել Կոլորադո Սփրինգսում Ապահովագրական գործակալների և բրոքերների խորհրդի համաժողովում, որից հետո մասնակցել է ոչ պաշտոնական հանդիպմանը։ Դրա համար նա ստացել է այդքան մեծ հոնորար։

Ջոնսոնի ավիատոմսերը և ԱՄՆ-ում կացարանը՝ մոտ 13,7 հազար դոլարի չափով, վճարել է ամերիկացի գործարար Ռուպերտ Մերդոկը, նշում է The Guardian-ը։

2019 թվականին Ջոնսոնը 146 000 դոլար է ստացել Հնդկաստանում ունեցած ելույթի համար՝ արտաքին գործերի նախարարի պաշտոնը լքելուց հետո (2016-2019 թթ.):

Մինչ այդ, նա տարեկան վաստակում էր 328,5 հազար դոլար՝ որպես The Daily Telegraph-ի սյունակագիր։