Բողոքի ցույցեր Իսպանիայի 70 քաղաքներում
Աշխարհ
Իսպանիայում հազարավոր ուսանողներ և դպրոցականներ փողոց են դուրս եկել՝ ի նշան բողոքի: Արդեն 3 օր շարունակ երկրի 70 քաղաքներում չեն դադարում կառավարության բյուջետային կրճատումների և կոշտ տնտեսության միջոցառումների դեմ ուղղված բողոքները: Բողոքներն անց են կացվում երիտասարդության շրջանում գրանցված գործազրկության հսկայական չափերի և ըստ Յունեսկոյի տվյալների, դպրոցական առաջադիմության կտրուկ անկման ֆոնի վրա:
Իսպանիայի 70 քաղաքներում 3 օր է, ինչ շարունակվում է ուսանողների և դպրոցականների բողոքը, որոնց վրդովեցրել է կառավարության որոշումը՝ կրճատել ուսումնական նպատակներով կատարվող պետական ծախսերը մի երկրում, ուր գորածզրկության մակարդակը երիտասարդության շրջանում հասնում է 50%-ի. փոխանցում է Eurоnews-ը:
«Նրանք պետք է ամաչեն այն բանի համար, որ ստիպում են մեզ վճարել նրանց սեփական սխալների համար: Իսպանիայի աշխատավորական զանգվածները տարեկան հարկեր են վճարում, որպեսզի մենք ունենանք պետական կրթություն և պետական առողջապահություն»,-բողոքում է ակցիայի մասնակիցներից մեկը:
Նշենք, որ Յունեսկոյի տվյալներով՝ Իսպանիայում այսօր գործազուրկ է գրեթե ամեն 2-րդ աշխատունակ երիտասարդ քաղաքացին: Միաժամանակ կազմակերպությունը նշում է, որ Իսպանիան գրանցել է դպրոցից հետո կրթությունը չշարունակող երիտասարդների ամենաբարձր տոկոսը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
