Արևմուտքը կտրուկ փոխել է հռետորաբանությունը Ռուսաստանի նկատմամբ. Global Times

ԱՄՆ-ում և Եվրոպայում ավելի ու ավելի շատ են խոսում Ուկրաինայում հակամարտության հանդեպ հոգնածության մասին, գրում է The Global Times-ի չինական հրատարակությունը՝ վկայակոչելով փորձագետներին։

Հոդվածի հեղինակները նաև ուշադրություն են հրավիրել այն փաստի վրա, որ ԱՄՆ-ի հռետորաբանությունը Ռուսաստանի նկատմամբ կտրուկ փոխվել է Լեհաստանում հրթիռների ընկնելուց հետո։

«Այս անգամ նրանք նախաձեռնեցին հնարավորինս շուտ համոզել Բալթյան երկրներին, որ հրթիռն արձակել է Ուկրաինան, այլ ոչ թե Ռուսաստանը, մինչդեռ Զելենսկին հերքել է ամեն ինչ»,- ասվում է հրապարակման մեջ։

Փորձագետների կարծիքով՝ Լեհաստանում հրթիռների հետ կապված միջադեպը փորձարկեց ՆԱՏՕ-ի անդամ երկրների համբերությունը։ Միջադեպը ցույց տվեց, որ Հյուսիսատլանտյան դաշինքը չի գնա Ռուսաստանի հետ առճակատման, գրում է The Global Times-ը։

Ավելի վաղ սյունակագիր Կարլի Օլսոնը New York Times-ի հոդվածում գրել էր, որ Լեհաստանում հրթիռի անկման գնահատման շուրջ տարաձայնությունները հանգեցրել են Ուկրաինայի նախագահ Վոլոդիմիր Զելենսկու և արևմտյան երկրների միջև տարաձայնությունների։

Ինչպես հայտնի է, նոյեմբերի 15-ին Լեհաստանի արևելքում երկու հրթիռ է ընկել, ինչի հետևանքով՝ երկու մարդ է զոհվել։