Ուկրաինան վախենում է 2024 թվականի նախագահական ընտրություններից հետո Ռուսաստանի և Միացյալ Նահանգների միջև գործարքից. NI

Ուկրաինան մտավախություն ունի, որ 2024 թվականին կայանալիք նախագահական ընտրությունների արդյունքում՝ ԱՄՆ-ում իշխանության կգա Ռուսաստանի հետ բանակցությունների կողմնակիցը, գրում է National Interest ամսագիրը։

«Մեծ տերությունները հաճախ սակարկում և բանակցում են, իսկ «արժույթը» հաճախ դառնում է փոքր պետությունների ազգային շահերը։ Ուկրաինայի ղեկավարները չեն ցանկանում, որ իրենց երկրի շահերը մուրճի տակ ընկնեն»,- պարզաբանում է հրատարակությունը։

Նյութում նշվում է, որ Կիևը նույնպես անհանգստացած է ռուսական կողմի գործողությունների արդյունքում Արևմուտքի աջակցությունը կորցնելու հեռանկարով։ Հեղինակների կարծիքով՝ Մոսկվան կարող է վերսկսել իր «հարձակումը» Եվրոպայի վրա էներգակիրների մատակարարման առատաձեռն պայմանագրերով, որոնց օգնությամբ այնտեղ կգտնի պոտենցիալ դաշնակիցներ։