Ճապոնիայում ստեղծել են նախարարի կրկնօրինակը, որպեսզի նա կարողանա ավելի շատ աշխատել

Ճապոնիայի գիտության և տեխնոլոգիաների գործակալությունը հայտարարել է մարդու կիբեռնետիկ ավատարի փորձարկման մեկնարկի մասին։ Այն թույլ կտա սեփականատիրոջը մասնակցել կարևոր միջոցառումներին և շփվել այլ մարդկանց հետ՝ ֆիզիկապես տարբեր վայրում գտնվելով:

Ինչպես հայտնում է Vokrug sveta կայքը, եթե մեկ մարդ ունի մի քանի ավատար, դա կբարձրացնի նրա արդյունավետությունը և նոր հնարավորություններ կստեղծի, մասնավորապես, բիզնեսում։ Մշակողները կարծում են, որ սա նոր հասարակության ստեղծման սկիզբն է, որտեղ մարդիկ դուրս են գալիս իրենց ֆիզիկական և ճանաչողական սահմանափակումներից։

Իրենց հայեցակարգը փորձարկելու համար գիտնականները ստեղծել են Ճապոնիայի կառավարության թվային տեխնոլոգիաների նախարար Տարո Կոնոյի կիբերավատարը: Կերպարը, որը շատ նման է տիրոջը, պետք է տպավորություն ստեղծի, որ կարևոր հանդիպմանը կենդանի մարդ է։

Սա առցանց ներկայությունից հետո հաջորդ մակարդակն է, որը հատկապես հայտնի է դարձել կորոնավիրուսի համաճարակի ժամանակ։ Այնուամենայնիվ, մեկ այլ անձ կամ նույնիսկ արհեստական ​​ինտելեկտը կկարողանա վերահսկել մարդու կիբեռնետիկ ավատարին:

Նշվում է, որ մինչև տարեվերջ ճապոնացի նախարարի պատճենը «ինքնության նույնականացման» փորձարկումներ։

 Ճապոնացի գիտնականների կարծիքով՝ ամբողջ ծրագրի նպատակն է ստեղծել մի հասարակություն, որտեղ մարդիկ, օգտագործելով կիբորգները և ավատարները, կազատվեն «մարմնի, ուղեղի, տարածության և ժամանակի սահմանափակումներից մինչև 2050 թվականը»։