«Հիզբոլլահ»-ի լիբանանյան խմբավորման ջոկատներն Իսրայելի հետ սահմանից տեղափոխվում են Սիրիայի հետ սահման

Լիբանանյան «Հիզբոլլահ» խմբավորման ջոկատները Իսրայելի հետ սահմանից տեղափոխվել են Սիրիայի հետ սահմանից։ Այս մասին, հղելով իսրայելական ռազմական աղբյուրները, հաղորդում են տեղական ԶԼՄ-ները։ Ըստ այդ տվյալների՝ սիրիական Հոմս գավառի մոտ գտնվող Լիբանանի տարածքում մի քանի օր առաջ «երկիր-երկիր» տեսակի հրթիռներով զինված շիա զինյալներ էին ուղարկվել, որոնցով վերջիններս գնդակոծության էին ենթարկում իսրայելական տարածքները։

Ըստ նշված աղբյուրների՝ Սիրիա են ուղարկվել ջոկատներ, որոնք «ձևավորում են «Հիզբոլլահի» հիմնական պաշտպանական գիծը» Հարավային Լիբանանում՝ Լիտանա գետի երկայնքով։ Միևնույն ժամանակ իսրայելական սահմանին շիա գյուղերում կենտրոնացած զինյալները կմնան իրենց տեղերում։ Սակայն զորքերի տեղափոխման պատճառով նրանք զրկվում են հրետանային աջակցությունից, ինչպես նաև հրթիռային սարքավորումներից, որոնք մինչ այս նրանց տրամադրության տակ էին»։

Ինչպես նշում են ռազմական աղբյուրները, սա առաջին դեպքն է, երբ տվյալ շրջանում «երկիր-երկիր» տեսակի հրթիռները տեղափոխվում են դեպի Սիրիա, ոչ թե հակառակը, ինպես դա տեղի էր ունենում վերջին 10 տարվա ընթացքում։

Իսրայելական փորձագետները կարծում են, որ այս տեղափոխումները նաև վկայում են այն մասին, որ այս փուլում «Հիզբոլլահ»-ը չի խուսափում իսրայելական կողմի պատասխան հարվածից։