Էրդողանը հայտարարել է հնարավոր անդրսահմանային ցամաքային գործողության մասին
Համաշխարհային Մամուլ
Թուրքիայի նախագահ Ռեջեփ Թայիփ Էրդողանը հայտարարել է, որ երկիրը մոտ ապագայում կարող է անդրսահմանային ցամաքային գործողություն իրականացնել։ Նրա խոսքերը մեջբերում է ՏԱՍՍ-ը։
Նրա խոսքով՝ թուրքական կողմը «գիտի ահաբեկիչների անունները, վայրերն ու բնութագիրը», ինչպես նաև այն անձանց, ովքեր քողարկում են նրանց և օգնում զենքով։
«Աստված տա, մոտ ապագայում մենք մեր տանկերով և հրետանով կոչնչացնենք ահաբեկիչների արմատները»,- ասել է Էրդողանը։
Ավելի վաղ Թուրքիայի նախագահը մեղադրել էր ԱՄՆ-ին վերջին տարիներին Սիրիայում քուրդ զինյալներին հազարավոր բեռնատարներով զինամթերք մատակարարելու մեջ։ Էրդողանի խոսքով՝ այս կուրսը սկսվել է Բարաք Օբամայի նախագահության օրոք, շարունակվել է Դոնալդ Թրամփի օրոք և շարունակվում է Ջո Բայդենի օրոք»։ Նա նշել է, որ Սիրիայի վերաբերյալ Անկարայի մտահոգությունները հայտնվել են Վաշինգտոնի ուշադրության կենտրոնում։
Մինչ այս Թուրքիայի նախագահի աշխատակազմի հաղորդակցության բաժնի ղեկավար Ֆահրեթթին Ալթունը Սիրիայի նկատմամբ արեւմտյան երկրների քաղաքականությունը ձախողված էր անվանել։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
