ԱՄՆ-ն ԵՄ-ի իր դաշնակիցներին մղում է խստացնել Ռուսաստանի դեմ պատժամիջոցները. WSJ

ԱՄՆ-ն փորձում է ստիպել իր դաշնակիցներին խստացնել Ռուսաստանի դեմ պատժամիջոցները և առևտրային հսկողություն սահմանել: Նման կարծիք է հայտնել Wall Street Journal-ի սյունակագիր Յան Թելլին։

Լրագրողը խիստ անարդյունավետ է անվանել պատժամիջոցների քաղաքականությունը և նշել, որ սահմանափակումները միայն «օգնում են ռուսական տնտեսությանը»։

Թելլին նաև մեջբերում է ֆինանսական ծառայությունների և շուկաների հարցերով եվրահանձնակատար Մեյրեդ ՄակԳինեսի խոսքերը, որ իր գրասենյակը, որը պատասխանատու է պատժամիջոցների մշակման համար, ակնկալում է ապահովել, որ այդ միջոցները չեն կարող շրջանցվել ինչպես Եվրոպայում, այնպես էլ երրորդ երկրներում:

Դիտորդը նշել է, որ ԱՄՆ ներկայացուցիչները պարբերաբար կապվում են ՄակԳինեսի գրասենյակի հետ, ինչպես նաև այցելում են ներկայացուցչություններ՝ վերահսկելու աշխատանքը։ Սա նա անվանել է Վաշինգտոնի ճնշումը Բրյուսելի վրա։ Օրինակ, ԱՄՆ ֆինանսների նախարար Ջանեթ Յելենը նման հանդիպում է անցկացրել ԵՄ ներկայացուցիչների հետ Ինդոնեզիայում կայացած գագաթնաժողովում, իսկ նրա տեղակալ Ուոլի Ադեյեմոն այցելել է Բրյուսել, Լոնդոն և Փարիզ, գրում է Թելլին։

Լրագրողը նաև հավելում է, որ Ռուսաստանի տնտեսությունը սկզբում անկում է ապրել պատժամիջոցների պատճառով, բայց հետո վերադարձել է նորմալ վիճակի, ինչին նպաստել է նաև Ռուսաստանի Դաշնությունից էներգառեսուրսների ներմուծումը հակառուսական պատժամիջոցներին չմիացած կամ դրանք շրջանցած պետություններ։ Հոդվածի հեղինակը նշում է, որ նրանց թվում կան ԱՄՆ դաշնակիցներ։ Բացի այդ, իրավիճակի վրա դրական ազդեցություն է թողել դեպի Չինաստան վառելիքի արտահանման ընդլայնումը։