Մեծ Բրիտանիայի պաշտպանության նախարարը Ուկրաինային հորդորել է շարունակել ճնշում գործադրել «Պուտինի զորքերի վրա»

Մեծ Բրիտանիայի պաշտպանության նախարար Բեն Ուոլեսը հորդորել է Ուկրաինային «շարունակել ճնշում գործադրել» և «տեմպ պահել» «Պուտինի զորքերի վրա» գալիք ձմռանը։ Այս մասին գրում է The Daily Beast-ը։

Հրատարակությունը մեջբերում է Ուոլեսի խոսքերն այն մասին, որ ուկրաինական զորքերը «առավելություն ունեն պատրաստվածության, սարքավորումների և անձնակազմի որակի առումով», իսկ ռուսական զորքերին անվանում է «բարոյալքված, վատ պատրաստված և վատ տեխնիկա ունեցող»:

Բրիտանացի նախարարը նաև հայտնում է, որ ուկրաինացիներն ունեն «300 հազար միավոր տեխնիկա Արկտիկայի պատերազմի վարման համար», որոնք նրանց տրամադրել է «միջազգային հանրությունը»։

Ուոլեսը խոստովանել է, որ ուկրաինացի գործընկերների հետ խոսում է «գրեթե ամեն շաբաթ»։

Ուոլեսի հայտարարությունը հնչել է այն բանից հետո, երբ ԱՄՆ-ն Ուկրաինային կոչ է արել բանակցել՝ ռազմական գործողությունների անիմաստ լինելու պատճառով:

ԱՄՆ շտաբի պետերի միացյալ շտաբի նախագահ, գեներալ Մարկ Միլին ասել է, որ քանի որ Ուկրաինան չի կարող հաղթանակի հասնել մարտի դաշտում, ձմռանը ռազմական գործողությունների դանդաղումը պետք է օգտագործի որպես Ռուսաստանի հետ բանակցությունների հնարավորության պատուհան։

Սակայն Ուկրաինայի նախագահ Վոլոդիմիր Զելենսկին հայտարարել է, որ չի բանակցելու։