Մակրոնը ցանկանում է Բայդենին հետ պահել. AFP
Համաշխարհային Մամուլ
Ֆրանսիայի նախագահ Էմանուել Մակրոնը Վաշինգտոն կատարած այցի ընթացքում նախատեսում է համոզել Միացյալ Նահանգների նախագահ Ջո Բայդենին, որ անհրաժեշտ է կանխել եվրոպական և ամերիկյան ընկերությունների միջև անհավասար մրցակցությունը։ Այս մասին հայտնում է Agence France-Presse-ը՝ Ելիսեյան պալատին հղումով։
Բացատրվում է, որ գնաճի դեմ պայքարի ԱՄՆ նոր օրենքի ֆոնին կարող են խնդիրներ առաջանալ։
Այս օրենքը նախատեսում է հարկերի կրճատում, արտոնություններ էներգամատակարարման ոլորտում ԱՄՆ-ում բացվող ձեռնարկությունների համար, նշել է գործակալությունը։
«Մենք չենք կարող վտանգել Եվրոպայի ավելի մեծ ապաարդյունաբերականացումը այն ժամանակ, երբ մեր նպատակը վերաարդյունաբերականացումն է», - ավելացրել են Ելիսեյան պալատում:
Ինչպես ընդգծել են Մակրոնի խորհրդականները, Ֆրանսիայի նախագահը Սպիտակ տան 46-րդ ղեկավարի հետ հանդիպման ժամանակ ցանկանում է համոզել նրան «որոշ ոլորտների համար բացառություններ տրամադրել՝ Կանադայի և Մեքսիկայի օրինակով»։
Սպասվում է, որ Մակրոնը ԱՄՆ կժամանի նոյեմբերի 29-ին։
Ամենադիտված 
Մնաս բարյավ. Րաֆֆի Հովհաննիսյան
