ԵՄ-ն խստորեն հսկում է «Հյուսիսային հոսքի» խողովակաշարերը. WSJ

Եվրոպական մի քանի երկրներ օգտագործում են նավատորմ՝ իրենց սահմաններով անցնող խողովակաշարերը հսկելու և ցանկացած կասկածելի իրավիճակների արձագանքելու համար: Այս մասին հայտնում է The Wall Street Journal-ը՝ վկայակոչելով իր մի քանի աղբյուրների։

The Wall Street Journal-ը գրում է, որ մինչև վերջերս Իտալիայի ռազմածովային ուժերը շատ ժամանակ չէին տրամադրում ստորջրյա խողովակաշարերի ստուգմանը։ Միայն «Հյուսիսային հոսք» և «Հյուսիսային հոսք 2» գազատարներում տեղի ունեցած պայթյուններից հետո իրավիճակը փոխվեց։

Ըստ թերթի՝ «Հյուսիսային հոսքի» պայթյուններից հետո խողովակաշարերի, էներգահամակարգերի և գազային տերմինալների պաշտպանությունը, որոնք էլեկտրաէներգիա են մատակարարում եվրոպական երկրներին, դարձել է ողջ Եվրոպայի ազգային անվտանգության առաջնահերթությունը։ Միաժամանակ, ընդգծում է թերթը, դրանց երկարությունը հասնում է մի քանի հազար մղոնի, իսկ գծերը հատում են Նորվեգիայի ու Միջերկրական ծովի ջրերը։ Ըստ հրապարակման մեջ մեջբերված էներգետիկայի և անվտանգության վերլուծաբանների, կարող են ամիսներ և նույնիսկ տարիներ պահանջվել՝ վերացնելու հարձակումների հավանականությունը, որոնք նման են «Հյուսիսային հոսքի» պայթյուններին: Պարբերականը նշում է, որ դա պայմանավորված է խողովակների մուտքի դժվարությամբ։

«Եթե «Հյուսիսային հոսքի» պայթյունները ազդանշան էին, ապա նրանք հասան իրենց նպատակին. նրանք ցույց տվեցին, որ դուք կարող են հարվածել մեզ ամենուր՝ լինի դա գազատարներ, թե հողմակայաններ», - WSJ-ը մեջբերում է Կոպենհագենի համալսարանի հետազոտող Յենս Վենզել Քրիստոֆերսենին: