Չինաստանի հարավում չղջիկների մոտ 5 վիրուս է հայտնաբերվել, որոնք սպառնում են մարդկությանը

Յունանի ինստիտուտի գիտնականները չղջիկների մոտ հայտնաբերել են հինգ «անհանգստացնող» վիրուսներ, որոնք կարող են տարածվել մարդկանց վրա: Հետազոտության նախնական սղագրությունը հրապարակվել է bioRxiv շտեմարանում:

Բոլոր վիրուսները զոոնոզ են, այսինքն՝ կարող են անցնել մի տեսակից մյուսին: Որպես կանոն, նման պաթոգենները վտանգ են ներկայացնում մարդկանց համար: Ինչպես նշում են հետազոտողները, վիրուսներից մեկը՝ BtSY2-ը, նմանություններ ունի SARS-CoV-2-ի հետ, ինչը մեծացնում է կենդանուց մարդուն դրա փոխանցման հավանականությունը։

«Մենք հայտնաբերել ենք հինգ տեսակի վիրուսներ, որոնք կարող են պաթոգեն լինել մարդկանց կամ անասունների համար, ներառյալ նոր ռեկոմբինանտ կորոնավիրուսը, որը նման է SARS-CoV-2-ին։ Մեր ուսումնասիրությունն ընդգծում է վիրուսների միջտեսակային փոխանցման տարածվածությունը»,- նշում են գիտնականները։

Հետազոտողները նմուշներ են վերցրել հարավային Չինաստանի Յունան նահանգում գտնվող 15 տեսակի 149 չղջիկներից: Իրենց աշխատանքի ընթացքում նրանց հաջողվել է հինգ վիրուսների ԴՆԹ-ի նմանություն հայտնաբերել։ Ավելին, գիտնականներին անհանգստացնում է այն փաստը, որ մեկ անհատ կարող է վարակվել միանգամից մի քանի վիրուսով։

Մասնագետների կարծիքով՝ վիրուսի բռնկումների մեծ մասը առաջացել է չղջիկի հետ մարդու կամ ընտանի կենդանու շփման արդյունքում: Գիտնականները մտադիր են շարունակել վիրուսների ուսումնասիրությունը՝ ապագա համաճարակները կանխելու համար։