Իսրայելի լողափերում թմրանյութերի տասնյակ փաթեթներ են հայտնաբերվել․ Times of Israel

Իսրայելում Միջերկրական ծովի ափին հայտնաբերվել են տասնյակ թմրանյութերի փաթեթներ։ Այս մասին հայտնում է Times of Israel-ը՝ ոստիկանությանը հղումով։

«Փաթեթները հայտնաբերվել են Նահարիայի, Հայֆայի, Տիրաթ Քարմելի, Զիխրոն Յաակովի և Գաշի լողափերում, Թել Ավիվի լողափի մոտ հայտնաբերվել է ևս 40 փաթեթներով նավ»,- ասվում է զեկույցում։

Ոստիկանության տվյալներով՝ սկզբում ենթադրվում էր, որ փաթեթները պարունակում են պայթուցիկ նյութեր, սակայն ավելի ուշ սակրավորները պարզել են, որ փաթեթներում, ամենայն հավանականությամբ, հաշիշ է։