Ահա թե ով է Հայաստանում Ադրբեջանի դրոշը բարձրացրել (տեսանյութ)

Այն, որ Հայաստանում իրենց բնապահպան համարող ակտիվիստները աշխատում են միայն հանուն գրանտի՝ նորություն չէ: Բայց թե ինչի են պատրաստ հանուն այդ գրանտի՝ այստեղ արդեն նորանոր բացահայտումներ ենք անում: Բլոգեր Տիգրան Քոչարյանը իր ֆեյսբուքյան էջում հրապարակել է Ենոքավանի հյուրանոցի լուսանկարը, ուր հստակ երևում է հյուրանոցի շենքի գլխին ծածանվում են նաև Ադրբեջանի և Թուրքիայի դրոշները: Տիգրան Քոչարյանը դեռ չգիտի, թե ով է կանգնած այս ամենի հետևում, իսկ մենք արդեն գիտենք:

Դա Տավուշի մարզի Ենոքավան համայնքում գտնվող «Ապագա Տուր» տուրօպերատորի սեփականատեր Արտակ Չիբուխչյանն է, ով այցելություններ է կազմակերպում տեղացի և օտարերկրյա զբոսաշրջիկների կողմից որոշակի բրենդ դարձած Լաստիվեր՝ իր ջրվեժներով, գրում է slaq.am-ը։ Բայց սա չէ ամենահետաքրքիրը, այլ այն, որ Արտակ Չիբուխչյանը բացի հյուրանոցից ունի ևս մեկ այլ զբաղմունք՝ «բնապահպանությունը», և հատկապես վերջին շրջանում մեզ արդեն հայտնի ակտիվիստ «բնապահպանների» հետ միասին Տավուշի մարզում ՀԷԿ-ի կառուցման դեմ ամենաակտիվ ելույթ ունեցողներից էր, կարելի է ասել՝ հրահրողը: Ահա թե ինչպիսի մարդիկ են կանգնած բնապահպանների թիկունքում և ևս մեկ անգամ բացահայտվեցին ակտիվիստների իրական դեմքն ու նպատակները և նրանց գործունեության իրական պատկերը՝ փաստորեն հանուն տարբեր երկրներից ստացվող գրանտների կարելի է ակտիվ հասարակական «պայքար» մղել, բայց եթե մի օր պարզենք, որ այդ երկրների ցանկում հայտնվել են նաև Թուրքիան ու Ադրբեջանը, արդեն չենք զարմանա:

Ի դեպ, վերջերս slaq.am-ի նկարահանող խումբը եղել էր Տավուշի մարզում և նկարահանել ՀԷԿ-ի կառուցման աշխատանքները: Տեղեկանալով առաջացած խնդիրների մասին' slaq.am-ի նկարահանող խումբը հանդիպել է նաև հակառակ կողմի հետ և հարցազրույց անցկացրել Արտակ Չիբուխչյանի հետ, որն էլ ներկայացնում ենք ստորև (video).

Հ.Գ. Հրավիրում ենք պատկան մարմինների ուշադրությունն այն բանի վրա, որ Արտակ Չիբուխչյանը Հայաստանում թշնամի երկրի դրոշ է բարձացնում և չի բացառվում, որ պարզվի, թե նաև պատվեր է կատարում: