Գիտնականներն անվանել են այն դիետան, որն ամենաարդյունավետն է ներքին օրգանների ճարպը նվազեցնելու համար

«Կանաչ» միջերկրածովյան դիետան երկու անգամ ավելի է նվազեցնում ներքին օրգանների ճարպը, քան սովորական սննդակարգը, պարզել են Նեգևի Բեն-Գուրիոն համալսարանի գիտնականները: Հետազոտության արդյունքները հրապարակված են BMC Medicine ամսագրում։

«Կանաչ» միջերկրածովյան դիետան տարբերվում է սովորականից նրանով, որ այն ներառում է կանաչ թեյ, ընկույզ, ձավար: Այն հարուստ է սպիտակուցներով, երկաթով, վիտամիններով, այդ թվում՝ B12-ով, հանքանյութերով և պոլիֆենոլներով։ Այն կարելի է օգտագործել մսի փոխարեն, մինչդեռ «Կանաչ» դիետան սննդակարգից չի բացառում միսն ու ձուկը։

Գիտնականներն օգտագործել են 294 կամավորների տվյալները, որոնք բաժանվել են երեք խմբի։ Առաջինը մեկուկես տարի սնվել է միջերկրածովյան սննդակարգի կանոնների համաձայն, երկրորդը՝ դրա «կանաչ» տատանումներով, իսկ երրորդը հավատարիմ է մնացել սովորական պատշաճ սնոնդին: Վերլուծությունը ցույց է տվել, որ «Կանաչ» միջերկրածովյան դիետան նվազեցնում է ներքին օրգանների ճարպը 14%-ով, միջերկրածովյանը՝ 7%-ով, իսկ կանոնավոր առողջ սննդակարգը՝ 4,5%-ով:

Մարդու մարմնի ճարպի մեծ մասը գտնվում է մաշկի տակ, որպես կանոն, դրանից ազատվելը բավականին հեշտ է։ Վիսցերալ ճարպը, ընդհակառակը, կուտակվում է մարմնի խորքում՝ որովայնի խոռոչի օրգանների միջև: Դրանից ազատվելը դժվար է, ավելին, սովորականից շատ ավելի վտանգավոր է, քանի որ մեծացնում է բազմաթիվ լուրջ հիվանդությունների առաջացման վտանգը։